ଲୋକସଭା ନିର୍ବାଚନରେ ସବୁଠୁ ଧନୀ ପ୍ରାର୍ଥୀ ୬୨୨ କୋଟି ଟଙ୍କାର ମାଲିକ
ଓଡ଼ିଆ ନ୍ୟୁଜ,(ବ୍ୟୁରୋ): ଆଜି ଗଣତନ୍ତ୍ରର ମହାନ ପର୍ବ ଲୋକସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟ ମତଦାନ ଚାଲିଛି। ୧୩ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ୮୮ଟି ଆସନରେ ହେବ।
କେରଳର ସମସ୍ତ ୨୦ଟି ଲୋକସଭା ଆସନରେ, କର୍ଣ୍ଣାଟକର ୨୮ଟି ସିଟ୍ ମଧ୍ୟରୁ ୧୪ଟି ଆସନରେ, ରାଜସ୍ଥାନରେ ୧୩ଟି ଆସନରେ, ମହାରାଷ୍ଟ୍ର ଏବଂ ଉତ୍ତରପ୍ରଦେଶରେ ୮ଟି ଆସନ, ମଧ୍ୟପ୍ରଦେଶରେ ୬ଟି, ଆସାମ ଏବଂ ବିହାରରେ ୫ଟି ଆସନରେ ଭୋଟ୍ ଦିଆଯିବ।
ସେହିପରି ଛତିଶଗଡ ଏବଂ ପଶ୍ଚିମବଙ୍ଗରେ ତିନୋଟି ସିଟ୍ ଏବଂ ମଣିପୁର, ତ୍ରିପୁରା ଏବଂ ଜାମ୍ମୁ କାଶ୍ମୀରରେ ଗୋଟିଏ ଆସନରେ ମତଦାନ ହେବାକୁ ଯାଉଛି। ତେବେ ମତଦାନ ମଧ୍ୟରେ ନିର୍ବାଚନ ମୈଦାନରେ ଧନୀ ପ୍ରାର୍ଥୀଙ୍କୁ ନେଇ ବେଶ୍ ଚର୍ଚ୍ଚା ହେଉଛି। ଦ୍ୱିତୀୟ ପର୍ଯ୍ୟାୟରେ କର୍ଣ୍ଣାଟକର କଂଗ୍ରେସ ନେତା ଭେଙ୍କଟରମଣେ ଗୌଡା ସବୁଠୁ ଧନୀ ପ୍ରାର୍ଥୀ, ଯାହାଙ୍କ ସମ୍ପତ୍ତି ମୂଲ୍ୟ ୬୨୨ କୋଟି ଟଙ୍କା। ସେ ଏଚଡି କୁମାରସ୍ୱାମୀଙ୍କ ବିପକ୍ଷରେ ନିର୍ବାଚନ ଲଢୁଛନ୍ତି। ଏଚଡି କୁମାରସ୍ୱାମୀଙ୍କ ବିପକ୍ଷରେ ନିର୍ବାଚନ ଲଢୁଥିବା ଗୌଡ଼ଙ୍କ ନିକଟରେ ୬୨୨ କୋଟି ଟଙ୍କା ରହିଛି। ତେବେ ଏଥର ନିର୍ବାଚନର ସବୁଠାରୁ ଗରିବ ପ୍ରାର୍ଥୀ ହେଉଛନ୍ତି ଲକ୍ଷ୍ମଣ ନାଗରାଓ ପାଟିଲ୍। ତାଙ୍କ ନିକଟରେ ୫୦୦ ଟଙ୍କା ରହିଛି।
ସେହିପରି ଅନ୍ୟ ପ୍ରାର୍ଥୀମାନଙ୍କ ମଧ୍ୟରୁ ଜଣଙ୍କ ନିକଟରେ ୧୦୦୦, ଜଣଙ୍କ ନିକଟରେ ୧୪୦୦, ଜଣଙ୍କ ୨୦୦୦ ଓ ଜଣଙ୍କ ନିକଟରେ ୨୨୩୦ ଟଙ୍କା ରହିଛି। ଏହାପୂର୍ବରୁ ଏହି ପର୍ଯ୍ୟାୟରେ ୮୯ ଟି ନିର୍ବାଚନମଣ୍ଡଳୀ ଭୋଟ୍ ଦେବେ ବୋଲି ଆଶା କରାଯାଉଥିଲା। କିନ୍ତୁ ବହୁଜନ ସମାଜ ପାର୍ଟିର ଜଣେ ପ୍ରାର୍ଥୀଙ୍କ ମୃତ୍ୟୁ ପରେ ମଧ୍ୟପ୍ରଦେଶର ବେତୁଲରେ ମତଦାନ ବାତିଲ ହୋଇଛି। ବେତୁଲ ବର୍ତ୍ତମାନ ମେ ୭ରେ ତୃତୀୟ ପର୍ଯ୍ୟାୟରେ ଭୋଟ୍ ଦେବ। ବିଶିଷ୍ଟ ପ୍ରତିଦ୍ବନ୍ଦ୍ବୀମାନଙ୍କ ମଧ୍ୟରେ କେନ୍ଦ୍ର ମନ୍ତ୍ରୀ ରାଜୀବ ଚନ୍ଦ୍ରଶେଖର, ବିଜେପିର ତେଜସ୍ୱୀ ସୂର୍ଯ୍ୟ, ହେମା ମଲିନୀ, ଅରୁଣ ଗୋବିଲ, କଂଗ୍ରେସ ନେତା ରାହୁଲ ଗାନ୍ଧୀ, ଶଶୀ ଥରୁର ଏବଂ କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ଜେଡିଏସର ଏଚଡି କୁମାରସ୍ୱାମୀ ରହିଛନ୍ତି।