ଏନଫୋର୍ସମେଣ୍ଟ ନିର୍ଦ୍ଦେଶାଳୟ ପକ୍ଷରୁ ମନି ଲଣ୍ଡରିଂ ମାମଲାରେ ଗିରଫ ହେବା ପରେ ଏହା ବିରୋଧରେ ମହାରାଷ୍ଟ୍ର ସରକାରୀ ମନ୍ତ୍ରୀ ନବାବ ମଲିକ ସୁପ୍ରିମକୋର୍ଟରେ ପହଞ୍ଚିଛନ୍ତି। ନବାବ ମଲିକଙ୍କ ଓକିଲ କପିଲ ସିବଲ PMLA ଅଧିନିୟମକୁ ଦର୍ଶାଇ ସମଗ୍ର ମାମଲାର ଶୀଘ୍ର ଶୁଣାଣି କରିବାକୁ ଦାବି କରିଛନ୍ତି। ସେ କହିଛନ୍ତି ଯେ PMLA ଅଧିନିୟମ ୨୦୦୫ ରେ ଲାଗୁ ହୋଇଥିଲା। ଯେଉଁ କାରବାର ପାଇଁ ED ଏହି ନିୟମ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରୁଛି ତାହା ହେଉଛି ୨୦୦୦ କିମ୍ବା ତା’ପୂର୍ବରୁ | ପ୍ରଧାନ ବିଚାରପତି ଏହି ମାମଲାର ଶୀଘ୍ର ଶୁଣାଣି କରିବେ ବୋଲି କହିଛନ୍ତି।
ଏହାପୂର୍ବରୁ କୋର୍ଟ ନବାବ ମଲିକଙ୍କୁ ଏପ୍ରିଲ ୧୮ ପର୍ଯ୍ୟନ୍ତ ନ୍ୟାୟିକ ହେପାଜତକୁ ପଠାଇଥିଲେ। ଏହା ପରେ ମହାରାଷ୍ଟ୍ର କ୍ୟାବିନେଟ ମନ୍ତ୍ରୀ ତଥା ବରିଷ୍ଠ ଏନସିପି ନେତା ନବାବ ମଲିକ ଅର୍ଥ ହେରଫେର ମାମଲାରେ ତୁରନ୍ତ ମୁକ୍ତ ହେବା ପାଇଁ ସୁପ୍ରିମକୋର୍ଟଙ୍କ ନିକଟରେ ପହଞ୍ଚିଛନ୍ତି। ମନି ଲଣ୍ଡରିଂ ମାମଲାରେ ନ୍ୟାୟିକ ହେପାଜତରୁ ମୁକ୍ତ ହେବା ଆବେଦନକୁ ଖାରଜ କରି ବମ୍ବେ ହାଇକୋର୍ଟଙ୍କ ନିର୍ଦ୍ଦେଶକୁ ଚ୍ୟାଲେଞ୍ଜ କରି ମଲିକ ଏହା ପୂର୍ବରୁ ସୁପ୍ରିମକୋର୍ଟଙ୍କ ନିକଟକୁ ଯାଇଥିଲେ।