କେନ୍ଦ୍ରକୁ ସୁପ୍ରିମକୋର୍ଟଙ୍କ ପରାମର୍ଶ;ଯୋଜନା ଏବଂ ଆଇନ ଆଣିବାବେଳେ ସରକାର ଆର୍ଥିକ ପ୍ରଭାବକୁ ଧ୍ୟାନ ଦେବା ଉଚିତ୍

ବୁଧବାର ଦିନ ଏକ ମାମଲାର ଶୁଣାଣି ସମୟରେ ସୁପ୍ରିମକୋର୍ଟ ଦେଇଥିବା ମନ୍ତବ୍ୟରେ କେନ୍ଦ୍ରକୁ କହିଛନ୍ତି ଯେ ଯୋଜନା ଏବଂ ଆଇନ ଆଣିବାବେଳେ ସରକାର ଏହାର ଆର୍ଥିକ ପ୍ରଭାବକୁ ମଧ୍ୟ ଧ୍ୟାନ ଦେବା ଉଚିତ୍। ରାଇଟ୍ ଟୁ ଏଜୁକେସନ୍ ଆକ୍ଟର ଉଦାହରଣ ଦେଇ କୋର୍ଟ କହିଛନ୍ତି ଯେ ଆଇନ୍ ତିଆରି ହୋଇଛି କିନ୍ତୁ ବିଦ୍ୟାଳୟଗୁଡ଼ିକ କେଉଁଠାରେ ଅଛି। ଶିକ୍ଷକମାନେ କେଉଁଠାରୁ ଆସିବେ? କୌଣସି ଭିତ୍ତିଭୂମି ସମ୍ବଳ ନାହିଁ।

କେତେକ ସ୍ଥାନରେ ଶିକ୍ଷା ମିତ୍ର ଅଛନ୍ତି ଯେଉଁମାନେ ପାଞ୍ଚ ହଜାର ଟଙ୍କା ପାଆନ୍ତି। ଯେଉଁମାନେ ପରେ ସମାନତା ଦାବି କରନ୍ତି। ଯେତେବେଳେ ଏଭଳି ମାମଲା କୋର୍ଟକୁ ଆସେ, ସରକାର ବଜେଟ ପ୍ରତିବନ୍ଧକ ବୋଲି କୁହନ୍ତି। ଆପଣ ଏହି ଦିଗକୁ ସମ୍ପୂର୍ଣ୍ଣ ରୂପେ ଦେଖିବା ଉଚିତ୍ ବୋଲି କୋର୍ଟ ସରକାରଙ୍କୁ କହିଛନ୍ତି। ସରକାର ଏହି ଦିଗରେ କାର୍ଯ୍ୟ କରିବା ଉଚିତ, ନଚେତ୍ ଏହା କେବଳ ମୌଖିକ ଦାବି ହୋଇ ରହିବ।

ଘରୋଇ ହିଂସା ଆଇନରେ ଉଲ୍ଲେଖ କରାଯାଇଥିବା ଭିତ୍ତିଭୂମି ସମ୍ବଳ ଉପଲବ୍ଧ କରାଇବା ଦାବିରେ ଜଷ୍ଟିସ୍ ୟୁୟୁ ଲଲିତ ବୁଧବାର ଦିନ ଏହି ନୀରିକ୍ଷଣ କରିଛନ୍ତି। ଜଷ୍ଟିସ୍ ଲଲିତ ତିନିଜଣିଆ ବେଞ୍ଚର ନେତୃତ୍ୱ ନେଉଥିଲେ। ଏହି ବେଞ୍ଚରେ ଜଷ୍ଟିସ୍ ଏସଆର ରବିନ୍ଦ୍ର ଭଟ୍ଟ ଏବଂ ପିଏସ୍ ନରସିମା ମଧ୍ୟ ସାମିଲ ହୋଇଥିଲେ।